२९ चैत्र २०८०, बिहीबार
लौ अनौठो खबर पढ्नुहोस्; यी दुई हुन् ३४ वर्षका एबी हेन्सल र ब्रिटनी हेन्सल । दुवैको टाउको फरक छ तर जिउ एकै छ । जिउ एउटै देखिए पनि दुई छुट्टै शरीर एक आपसमा गाभिएको हो । अर्थात्, दुइ जनाकै आफ्नो-आफ्नो मुटु, फोक्सो, पेट, ढाड हुन्छ ।
तर हात र खुट्टा भने एकजनाको एउटा एउटा र अर्कोकको एउटा एउटा गरेर दुइ हात दुइ खुट्टा हुन्छन् । एका तिरको एउटा हात र एउटा खुट्टा एउटा दिदिको नियन्त्रणमा हुन्छ भने अर्को तिरको अर्को बहिनिको नियन्त्रणमा हुन्छ । उनीहरूलाई ताली बजाउन पनि आपसी सहकार्य चाहिन्छ । हिड्नपनि एउटा बहिनीले खुट्टा चालेपछी अर्कीले मेसो मिलाएर चालिहाल्नुपर्छ । नत्र लड्ने सम्भावना हुन्छ । तर यिनीहरूले सानैदेखी यसमा अभ्यस्त भए ।
दुवै जनाले एकै पटक लेख्न, सोच्न, खान सक्छन् । एउटा बहिनी रुँदा अर्को हाँस्न सक्छिन् । तर यहाँ रोचक खबर त के छ भने शरीर जोडिए पनि एउटीको बिहे भयो भने अर्की अझै सिंगल छिन । विवाहमा एउटी बहिनि वैवाहिक जीवनमा रमाईरहँदा अर्की भने अविवाहित नै चित्त बुझाउनु परेको छ । तैपनि, यौनांगलगायतका अंगहरू चाहिँ एउटै छन् ।
प्रकाशित मिति: २९ चैत्र २०८०, बिहीबार
