समय

एक दिन प्रख्यात चित्रकार पाब्लो पिकासो पेरिसको क्याफेमा बसेर एउटा सानो रुमालमा केही स्केच गर्दै थिए।उनले सो स्केच कोरिरहेको एकजना व्यक्तिले हेरिरहेका थिए । उनलाई त्यो चित्र मन परेको थियो, यसैले पिकासोले चित्र बनाइसकेपछी उनि नजिकै गए र सोधे, ‘के यो चित्रकला मलाई बेच्न सक्नुहुन्छ ?’

“पक्कै,” पिकासोले जवाफ दिए “१०,००० दिनुस् र यो तपाइँको हुनेछ ।”

“१०,००० ? मैले देखिरहेको थिए, यो चित्र कोर्न तपाईलाई जम्मा पाँच मिनेट समय लागेको थियो । पाँच मिनेट मेहेनतको लागि यति पैसा त महँगो भएन र ?!” पिकासोले भने, “होइन महोदय, तपाईको लागि पाँच मिनेटको समय होला, तर यति बनाउन सक्षम हुनको लागि मेरो ४० वर्ष समय लागेको छ ।”