६ चैत्र २०८०, मंगलवार
काठमाडौं । नेविसंघले स्ववियु निर्वाचनको एक बर्षे प्रगति विवरण माग गरेको छ । अध्यक्ष दुजाङ शेर्पाले निर्वाचनमा नेविसंघबाट निर्वाचित स्ववियु सभापति र पदाधिकारीलाई परिपत्र गरी प्रगति विवरण माग गरेका हुन् । परिपत्रमा १५ चैत्रभित्र स्ववियु समितिबाट भएका शैक्षिक, रचनात्मक तथा सबै खाले विवरण पेश गर्न भनिएको छ ।
गत बर्ष चैत्र ०५ गते र विभिन्न चरणमा सम्पन्न स्वतन्त्र विद्यार्थी युनियनको निर्वाचन भएको थियो । निर्वाचनमा तत्कालिन सत्ता गठबन्धन दलका विद्र्याथी संगठनसँग गठबन्धन गरेर निर्वाचनमा गएको थियो ।स्ववियुको निर्वाचनको नतिजाका आधारमा नेविसंघ पहिलो संगठन बनेको थियो ।
प्रकाशित मिति: ६ चैत्र २०८०, मंगलवार
