२८ फाल्गुन २०८०, सोमबार
काठमाडौं । राष्ट्रिय स्वतन्त्र पार्टी(रास्वपा) ले इलाम- २ मा प्रतिनिधिसभाको सदस्यको उपनिर्वाचनमा भाग लिने र बझाङ- १ मा प्रदेश सभाको उपनिर्वाचनमा भाग नलिने निर्णय गरेको छ।
बैठकमा सरकारमा सहभागी हुने पार्टीको निर्णयलाई अनुमोदन गर्दै सरकारमा सहभागी मन्त्रीहरूलाई सहयोग गर्न र ऎतिहासिक अवसरलाइ सफल बनाउन हरसम्भव आवश्यक सहयोग गर्ने निर्णयसमेत गरेको छ।
निर्णयमा भनिएको छ ‘यस ऐतिहासिक अवसरलाई सफल बनाउन आवश्यक योगदान र समन्वय गर्ने तथा सरकारको कार्यसम्पादनको आवधिक समीक्षा गर्ने र पार्टीका विविध मोर्चा (सरकार, संसद्, संगठन)मा सल्लाह–सुझावका आधारमा सहयोगी टिमहरू गठन गर्दै पार्टीलाई हरेक मोर्चामा सफल बनाउन हरसम्भव कार्य गर्ने,’ ।
प्रतिनिधिसभा सदस्यको उपनिर्वाचनमा भाग लिने र प्रदेश सभाको उपनिर्वाचन भाग नलिने निर्णय भएको प्रवक्ता मुकुल ढकालले जानकारी दिए। आगामी वैशाख १५ गते हुने इलाम- २ मा प्रतिनिधिसभाको र बझाङ- १ मा प्रदेश सभाको उपनिर्वाचन हुँदै छ।
प्रकाशित मिति: २८ फाल्गुन २०८०, सोमबार
