२७ फाल्गुन २०८०, आईतवार
काठमाडौ। निर्वाचन आयोगले पार्टीको महाधिवेशनले गरेको निर्णय विपरीत निर्णय गरेको भन्दै नागरिक उन्मुक्ति पार्टीका अध्यक्ष रेशम चौधरीले निर्वाचनको आयोगको गरेको निर्णयको विषयमा आफू अदालत जानसक्ने बताएका छन् ।
उनले भने ‘निर्वाचन आयोगको पत्र अझैसम्म बुझेको छैन, आइतबार १० बजेपछि पत्र बुझेर नयाँ ढङ्गबाट जाने हो, अहिलेसम्म पत्र स्पष्टसँग अध्ययन नभएकोले पत्र बुझेपछि राजनीतिक या कानुनी उपचार खोज्ने निर्णयमा पुग्ने हो’। ‘त्यति ठूलो महाधिवेशनले गरेको निर्णयविरुद्ध भएको खेल कहाबाट भएको छ ? आन्तरिक बुँदामा भएका केही कमजोरीलाई हेरेर गरिएको यो निर्णयले घोर अन्याय भएको छ ।’
प्रकाशित मिति: २७ फाल्गुन २०८०, आईतवार
