४ चैत्र २०७९, शनिबार
४ चैत्र, धनुषा । धनुषाको एक स्थानीय तहमा शुक्रबार वडावासीलाई सिरक बाँडिएको छ ।
जिल्लाको नगराइन नगरपालिका अन्तर्गत वडा नं.७ का ज्येष्ठ नागरिकलाई वडाध्यक्ष सूर्यनारायण साहले फाइबरको सिरक वितरण गरेका हुन् ।
जाडो माैसममा लुकाएर राखेर गर्मी महिना सुरू भएपछि सिरक बाँडिएको भन्दै वडाध्यक्ष र स्थानीय तहको बारेमा नै सामाजिक सञ्जालमा टिकाटिप्पणी भइरहेको छ ।
वडाध्यक्ष साहका अनुसार जनप्रतिनिधिहरूको विवादले गर्दा समयै निर्णय गर्न नसकेपछि सिरक वितरण ढिलो भएको हो । उनले यो सिजनको जाडो सकिएता पनि अर्को सिजन वडावासीहरूले उक्त सिरक प्रयोग गर्न सक्ने बताएका छन् ।
प्रकाशित मिति: ४ चैत्र २०७९, शनिबार
