२२ फाल्गुन २०८०, मंगलवार
लोक कथा भन्छ-
एकादेशमा घ्यू बेच्ने र तरबार बेच्नेहरूका गिरोह बनेछन्!
घ्यू बेच्नेले काठको आकर्षक ठेकीभित्र तल गोबरले भरेर माथि घ्यूले छोपेछन्!
तरबार वेच्नेले आकर्षक म्यानभित्र काठको भुत्ते तरबार राखेछन्!
साॅटेर बेच्ने ( बार्टर ट्रेड) जमाना थियो! मोलतोल गरे।कुरा मिल्यो!
आआफ्नो पोल खुल्ला भनेर ठेकी र म्यान खोलेर भित्र हेर्न र देखाउन चाहेनन्!
सामान साटेपछि दुबैले एकअर्कालाई ठग्न सफल भएकोमा मक्ख परे! एकअर्काको खुब प्रशंशा गरे! गला मिलाएर आआफ्नो बाटो लागे!
निकै पर चौतारामा बसेर आआफ्ना साॅटेका सामान जाॅच्दा पो दुबै खंग्रंग भए!
“धोकेबाज” ! भन्दै दुवैले एकअर्कालाई सत्तोसराप गर्न थाले!!
(कतै सन्दर्भ मिल्न गएमा आकस्मिकता मात्र हुनेछ !)
प्रकाशित मिति: २२ फाल्गुन २०८०, मंगलवार
