४ चैत्र २०७९, शनिबार
४ चैत्र, काठमाडाैँ । काठमाडाैँबाट सुर्खेतका लागि उडेको बुद्ध एयरको जहाजमा बिचबाटोबाटै फर्काइएको छ । जहाजमा समस्या देखिएपछि १५ माइल उडान भर्नेवित्तिकै फर्काइएको हो ।
क्यानले दिएको जानकारी अनुसार बुद्ध एयरको एटीआर ७२ जहाजको इन्डिकेसनमा समस्या आएपछि सिमराको आकाशबाट फर्काइएको हो ।
त्रिभुवन अन्तर्राष्ट्रिय विमानस्थलमा जहाज सकुशल अवतरण भएको छ। अहिले प्राविधिक टोलीले जहाजको परीक्षण गरिरहेका छन् ।
जहाज ६२ जना यात्रु लिएर उडेको थियो ।
प्रकाशित मिति: ४ चैत्र २०७९, शनिबार
