१४ फाल्गुन २०८०, सोमबार
मुम्बई। चिर्चित शृङ्खला महाभारतमा भगवान् श्रीकृष्णको भूमिका निभाउने नितिश भारद्वाजले सन् २०२२ मा पत्नी स्मितासँग सम्बन्ध विच्छेद गरेका थिए । दुई जनाको सन्तानको रुपमा दुई छोरी छन् ।
त्यसैगरी, गत २३ फेब्रुअरीमा स्मिताले नितिशको सम्पत्ति बेच्नका लागि मुम्बईको पारिवारिक अदालतको ढोका ढकढकाएकी छन् भने सो अदालतको आदेशका बाबजुद नितिशले आफ्नो छोरीहरू हुर्काउन एक रुपैयाँ पनि नदिएको उनको आरोप रहेको छ ।
नितिशले आईएएस अफिसरसमेत रहेकी आफ्नी पूर्वपत्नी स्मितामाथि मानसिक यातनाको आरोप लगाएका थिए । स्मिताले आफ्नो छोरीहरूलाई भेट्न समेत नदिएको नितिशको आरोप थियो भने यसैबिच स्मिताले आफ्नो पूर्वपतिको सम्पत्ति बिक्री गर्न चाहेको समाचार बाहिरिएको छ ।
उनले सम्बन्ध विच्छेदपछि सम्पत्तिको हिस्सा माग गरेकी छन् । अदालतले बच्चाहरू हुर्काउन नितिशलाई हरेक महिना १०–१० हजार रुपैयाँ दिनुपर्ने आदेश गरेको थियो, तर नितिशले यस्तो नगरेको उनले आरोप लगाएकी छन् ।
प्रकाशित मिति: १४ फाल्गुन २०८०, सोमबार
