८ फाल्गुन २०८०, मंगलवार
काठमाडौं। फ्रान्सका स्टार स्ट्राइकर केलियन एमबाप्पे स्पेनिस क्लब रियल म्याड्रिडमा आबद्ध भएको खबर बाहिरिएको छ । सन् २०१८ बाट फ्रान्सको पीएसजीबाट व्यावसायिक फुटबल खेलिरहेका एम्बाप्पे आउँदो सिजनबाट स्पेनिस ‘पावर हाउस’ रियल म्याड्रिडमा आबद्ध भएको चर्चित पत्रिका द मिररले जनाएको छ ।
त्यसैगरी, २५ वर्षीय स्टार एम्बाप्पे आफ्नो ड्रीम क्लब म्याड्रिडमा जाने सम्झौता भए पनि कति रकममा सम्झौता भएको हालसम्म खुलासा भएको छैन । एमबाप्पेले रियल म्याड्रिडसँग पाँच वर्षको सम्झौता गरेको द मिररले जनाएको छ ।
एम्बाप्पेले पीएसजीको लागि हालसम्म २९० खेलमा २४३ गोल गरेका छन् भने फ्रान्सले सन् २०१८ मा विश्वकप फुटबलको उपाधि जित्दा एम्बाप्पे महत्त्वपूर्ण खेलाडी थिए । एम्बाप्पे हाल फ्रान्स फुटबलका कप्तान समेत हुन् ।
प्रकाशित मिति: ८ फाल्गुन २०८०, मंगलवार
