रियल रोकिँदा जिरोनालाई आशा

मड्रिड। ला लिगाको शीर्ष स्थानमा रहेको रियल मड्रिडले छिमेकी रायो भायोकानोसँग अङ्क गुमाएको छ । यसले उपाधि होडमा जिरोना र बार्सिलोनालाई केही आशा दिएको छ ।

उक्त खेलको तेस्रो मिनेटमा नै रियलले अग्रता बनाएको थियो, तर राउल डे टोमासले २७ औँ मिनेटमा पेनाल्टीबाट गोल गर्दै भायोकानोलाई खेलमा फर्काए । त्यसपछि कुनै गोल हुन सकेन र खेल बराबरीमा सकियो । खेलको इन्जुरी समयमा ड्यानी कार्भाहालले रातो कार्ड पाउँदै मैदान छाड्न बाध्य बनेका थिए ।

२५ खेलबाट रियलको ६२ अङ्क रहेको छ भने दोस्रो स्थानमा रहेको जिरोनाले एक खेल कम खेल्दै ५६ अङ्क बटुलेको छ । त्यस्तै, २५ खेलबाट बार्सिलोनाको ५४ अङ्क रहेको छ ।