३ फाल्गुन २०८०, बिहीबार
दाङ । घोराहीमा ड्युटीमा खटिएकी महिला प्रहरीको गोली हानी हत्या भएको छ । घोराही उपमहानगर दामोदर चोकमा ड्युटीमा खटिएकी महिला प्रहरी धनमाया गुरुङमाथि उनकै श्रीमान सहायक हवल्दार यमबहादुर झाँक्रीले तीन राउण्ड गोली प्रहार गरेका हुन् ।
उपचारका लागि उनलाई राप्ती स्वास्थ्य विज्ञान प्रतिष्ठान पुर्याइए पनि चिकित्सकले मृत घोषणा गरेका थिए ।
करिब साढे ७ बजेतिर श्रीमतीलाई गोली हानी भागेका यमबहादुरलाई करिब साढे ८ बजेतिर लमहीबाट प्रहरीले नियन्त्रणमा लिएको छ। घटना बारे प्रहरीले थप अनुसन्धान गरिरहेको छ।
प्रकाशित मिति: ३ फाल्गुन २०८०, बिहीबार
