१ चैत्र २०७९, बुधबार
१ चैत, काठमाडाैँ । उपराष्ट्रपति पदका उमेदवार रामसहायप्रसाद यादवले नेपाली कांग्रेसको मत पाउने भएका छन् ।
बुधबार बिहान केन्द्रीय कार्यालय सानेपामा बसेको कार्यसम्पादन समितिको बैठकले गठबन्धनबाट उपराष्ट्रपति पदका उम्मेदवार रामसहाय यादवलाई मत दिने निर्णय गरेको हो ।
कांग्रेस प्रवक्ता प्रकाशरण महतले यो निर्णय भएको जानकारी दिएका छन् ।
चैत ३ गते हुने उपराष्ट्रपतिको निर्वाचनमा यादव जनता समाजवादी पार्टी (जसपा)का तर्फबाट उमेदवार बनेका हुन् । उनले एमालेकी उम्मेदवार अष्टलक्ष्मी शाक्य र जसपाकै ममता झासँग प्रतिस्पर्धा गर्नेछन् ।
प्रकाशित मिति: १ चैत्र २०७९, बुधबार
