१/१ रुपैयाँ उठाएर पाईलट बन्न संघर्ष गर्दै २१ वर्षिय दिपेन्द्र

दोलखा ।२१ वर्षिय दिपेन्द्र घिसिङ पाइलट बन्न चाहन्छन् । अभिभावक बिहिन उनलाई पाईलट पढ्न ८१ लाख खर्च लाग्ने भएपछि उनले जनप्रतिनिधिहरुसंग गुहार मागे। बरु खाडी जाउ भन्ने सल्लाह पाएपछि आर्थिक अभावकै कारण आफनो सपना नतुहियोस भनेर उनले १/१ रुपैयाँ सहयोग संकलन अभियान नै चलाएर अहिले ६० लाख जम्मा गरिसकेका छन्।

उनी भन्छन् “लक्ष्य हासिल गर्न पैसा नै सबै थोक होइन भनेर प्रमाणित गर्न ,गरिब , दुर्गम गाउँको विद्यार्थीले उच्च शिक्षा हासिल गर्न सक्दैन भन्ने भ्रम चिर्न ,सपना देखे, मिहिनेत गरे सफल भइन्छ है भन्ने उदाहरण बन्न र जनजाति , विपन्न वर्गको मान्छे पनि अघि बढ्न सक्छ है भन्न म पाइलट बन्न चाहन्छु ।”