२९ फाल्गुन २०७९, सोमबार
२९ फागुन, काठमाडाैँ । सत्ता गठबन्धनको तर्फबाट उपराष्ट्रपति पदका साझा उम्मेदवार रामसहाय यादवले नेपाली कांग्रेसमा सभापति शेरबहादुर देउवासँग भोट मागेका छन् ।
सोमबार देउवानिवासमा पुगेर भेट गर्दै जनता समाजवादी पार्टीका सांसद यादवसहित अन्य नेताहरूले उपराष्ट्रपतिमा सहयोग माग गरेका छन् ।
उक्त भेटघाटमा कांग्रेस सभापति देउवाले संघीयता, गणतन्त्र, लोकतन्त्र र देशको हितका निमित्त आफ्नो र आफ्नो दलको सम्पूर्ण मत सत्ता गठबन्धनका साझा उम्मेदवार यादवलाई दिने प्रतिबद्धता व्यक्त गरेको जसपाका नेता प्रदीप यादवले जानकारी दिएका छन् ।
उनले सो भेटमा देउवासँग र्तमान राजनीतिक स्थितिलगायत अन्य समसामायिक विषयमा पनि छलफल गरेको उल्लेख गरेका छन् ।
भोट माग्ने क्रममा नै जसपाका नेताहरूले सोमबार नै राप्रपका अध्यक्ष राजेन्द्र लिङ्देन, नेकपा माओवादी केन्द्रका अध्यक्ष प्रचण्ड लगायत नेताहरूसँग भेट गरेका छन् ।
यही चैत ३ गते मुलुकको उपराष्ट्रपतिको निर्वाचन हुँदैछ । उक्त पदका लागि नेकपा एमालेबाट अष्टलक्ष्मी शाक्य, सत्ता गठबन्धनका तर्फबाट रामसहाय यादव र मता झाले उम्मेदवारी दिएका छन् । यसअघि सत्तागठबन्धनबाटै उम्मेदवारी दिएकी प्रमिला यादवले भने सोमबार उम्मेदवारी फिर्ता लिएकी छन् ।
प्रकाशित मिति: २९ फाल्गुन २०७९, सोमबार
