१ माघ २०८०, सोमबार
विश्वको सबैभन्दा ठूलो प्रविधि कम्पनी एप्पललाई झट्का लागेको छ। दोस्रो ठूलो कम्पनी माइक्रोसफट्ले अग्रता हासिल गरेको छ । माइक्रोसफ्टले एप्पललाई पछि पार्दै विश्वको सबैभन्दा मूल्यवान कम्पनीको सूचीमा पहिलो स्थान कब्जा गर्न सफल भएको हो ।
उक्त एप्पल कम्पनीको शेयर मूल्यमा ०.९ प्रतिशतले गिरावट आएर बजार मूल्य २.८७१ ट्रिलियन डलर कायम भएको छ भने एप्पलको तुलनामा ०.३ प्रतिशतले अग्रता हासिल गर्दै माइक्रोसफ्ट सन् २०२१ पहिलोपटक विश्वको सबैभनदा मूल्यवान कम्पनी बनेको हो । पछिल्लो रिपोर्ट अनुसार माइक्रोसफ्टको शेयर मूलयमा १.६ प्रतिशत वृद्धि भएसँगै बिहीबार कम्पनीको कुल बजार मूल्य २.८७५ ट्रिलियन डलर पुगेको हो ।
त्यस्तै, विज्ञका अनुसार यो वर्ष सन् २०२४ मा आइफोनको खराब सुरुवात सँगै एप्पलको पहिलो स्थान खस्किएको हो । आइफोनको मागमा सन्तोषजनक वृद्धि नभएसँगै एप्पलको शेयर मूल्यमा पनि गिरावट आएको छ । जनवरी महिनामा हालसम्म एप्पलको शेयरमा ३।३ प्रतिशतले गिरावट आएको छ भने माइक्रोसफ्टको शेयर मूल्य १.८ प्रतिशतले वृद्धि भएको छ ।
विश्वको सर्वाधिक मूल्यवान कम्पनीको ताज जोगाइराख्नु माइक्रोसफ्टका लागि सहज भने हुनेछैन । किनकि एप्पलसँग उसको अग्रता निकै कम मात्र छ र आफ्नो पुनरागमनका लागि एप्पलले ठूलो मिहिनेत गर्नेछ । ओपन एआई कम्पनीसँगको सहकार्यमा गत वर्ष सन् २०२३ मा आक्रामक रुपमा एआई प्रविधियुक्त टुल्स च्याट जिपिटी ल्याएसँगै माइक्रोसफ्टको शेयर मूल्यमा वृद्धि भई एप्पललाई पछि पार्न सफल भएको हो ।
सन् २०१८ देखि लगातार सर्वाधिक मूल्यवान कम्पनीको रुपमा रहेको एप्पलले यसबीचमा कोभिडका कारण आइफोनको आपूर्ति श्रृंखलामा असर पर्दा सन् २०२१ मा मात्रै उक्त स्थान गुमाएको थियो ।
प्रकाशित मिति: १ माघ २०८०, सोमबार
