२२ पुष २०८०, आईतवार
चम्पादेवी कार्की– कोशी, महिला क्लस्टर
ओखलढुंगा निवासी चम्पादेवी कार्की २०५४ मा जनयुद्धमा होमिएकी हुन् । लडाइँमा उनी घाइते भएकी थिइन् ।
२०५४ सालमा भएको स्थानीय चुनावमा एमालेबाट निर्वाचित भएकी उनी विद्रोह गरेर माओवादी युद्धमा होमिएकी थिइन् ।
अहिले ओखलढुंगा जिल्ला इन्चार्ज रहेकी उनी अखिल नेपाल महिला संघको केन्द्रीय सचिव समेत छिन् । सबैभन्दा तल्लो तहदेखि केन्द्रीय तहसम्म पुगेर काम गरेकी कार्की तीनपटक समानुपातिक सूचीमा (२०६४, २०७० र २०७९ मा) परे पनि सांसद बन्न पाएकी थिइनन्
२०७४ को स्थानीय तहको चुनावमा उनी ओखलढुंगाको सुनकोशी गाउँपालिका अध्यक्षमा उम्मेदवार बने पनि पराजित भएकी थिइन । उनी माओवादी केन्द्रबाट कुनै लाभको पद नपाउने नेतामध्येमा पर्छिन् ।
श्रीकृष्ण अधिकारी– बागमती
जनयुद्धको सुरुवातदेखि भूमिगत भएका श्रीकृष्ण अधिकारी पार्टीमा कम अवसर पाउने पर्छन ।
युद्धकै क्रममा उनी रामेछापको बेथानमा भएको लडाइँमा घाइते भएका थिए । पञ्चायती कालमा पनि भूमिगत राजनीति गरेका उनी अहिले माओवादी केन्द्रको प्रदेश सम्पर्क विशेष कमिटीका अध्यक्ष छन् ।
मनरुपा शर्मा सुवेदी– गण्डकी
पर्वतकी मनरुपमा शर्मा द्वन्द्वपीडित एकल महिला हुन् । २०६१ मंसिर १७ गते उनका श्रीमान विजय सुवेदी सेनाबाट मारिएका थिए ।
उनी २०६४ को संविधानसभा चुनावमा पर्वत क्षेत्र नम्बर १ बाट उम्मेदवार बने पनि नेपाली कांग्रेसका अर्जुनप्रसाद जोशीसँग उनी पराजित भएकी थिइन् । उनी २०७९ को मंसिरमा सम्पन्न चुनावको समानुपातिक सूचीमा परे पनि सांसद बन्न सकेकी थिइनन् ।
झक्कु सुवेदी– लुम्बिनी
२०४९ सालतिर तत्कालीन जिल्ला विकास समिति रोल्पाका सभापति पद छोडेर युद्धमा होमिएका नेता हुन झक्कु सुवेदी । उनले २०६४ मा भएको पहिलो संविधान सभा चुनावमा काठमाडौँ क्षेत्र नम्बर २ बाट तत्कालीन एमालेका महासचिव माधवकुमार नेपाललाई पराजित गरेका थिए । तर, उनी २०७० को चुनावमा भने पराजित भए । त्यसपछि राष्ट्रिय चर्चाबाट हराएका उनी अहिले माओवादी केन्द्रका केन्द्रीय सदस्य छन् ।
विष्णु विक– कर्णाली
कर्णालीबाट उम्मेदवार बनाइएका विष्णु विक युद्धकालीन पृष्ठभूमिकै माओवादी हुन् । कालीकोट निवासी उनी माओवादी जनयुद्धमा सुरुवातदेखि नै लागेकी थिइन् ।
मोहन वैद्यले पार्टी विभाजन गर्दा विष्णु उनीतिर लागेका थिए । तर, दुई वर्ष पनि नबसी फेरि प्रचण्डले नेतृत्व गरेको पार्टीमै फर्किए । कालीकोट जिल्ला इन्चार्ज रहेका उनी दलित मुक्ति मोर्चाको कर्णाली प्रदेश इन्चार्ज पनि छन् ।
रेणु चन्द– सुदूरपश्चिम
बैतडी घर भएकी रेणु चन्द २०६४ सालमा बैतडी क्षेत्र नं २ बाट संविधान सभा सदस्य निर्वाचित भएकी थिइन् । हाल उनी अखिल नेपाल महिला संघ क्रान्तिकारीको सुदूरपश्चिम इञ्चार्ज छिन ।
प्रकाशित मिति: २२ पुष २०८०, आईतवार
