१९ पुष २०८०, बिहीबार
तेहरान। हत्या गरिएका जनरल कासिम सुलेमानीको वार्षिक स्मृतिमा आयोजित भीडमा लगातार दुई वटा विस्फोट हुँदा इरानमा बुधबार कम्तीमा एकसय तीन जनाको मारिएको सरकारी मिडियाले बताएको छ ।
आक्रमणको जिम्मेवारी तत्काल कसैले लिएको छैन भने आधिकारिक आइआरएनए समाचार एजेन्सीले यसअघि ७३ जनाको मृत्यु भएको सूचना दिएको थियो । एजेन्सीले भनेको छ, ‘आतङ्कवादी विस्फोटमा घाइते भएका मानिसको मृत्यु भएपछि मर्नेहरूको संख्या बढेर एक सय तीन पुगेको छ ।’
उक्त बम विस्फोटमा अन्य एक सय ४१ जना घाइतेको अवस्था चिन्ताजनक रहेको बताइएको छ ।
प्रकाशित मिति: १९ पुष २०८०, बिहीबार
