१९ पुष २०८०, बिहीबार
तुलसीपुर,दाङ। वनबाट पात टिपेर ट्रयाक्टरमा फर्किँदै गर्दा भएको दुर्घटनामा २८ जना घाइते भएका छन् ।
आज साँझ ५ः१५ बजेतिर लु२त ५१६४ नम्बरको ट्रयाक्टर अनियन्त्रित भई दुर्घटना हुँदा २८ जना घाइते भएको इलाका प्रहरी कार्यालय गढवाका प्रहरी निरीक्षक नवीन वलीले जानकारी दिएका छन् ।
त्यसैगरी, घाइते हुनेहरू सबै गढवा गाउँपालिका-४ पर्साका रहेको प्रहरीले बताएको छ भने घातेको लमही अस्पतालमा उपचार भइरहेको छ ।
उक्त गाडी चालक गढवा गाउँपालिका-४ पर्सा बस्ने करिब ३४ वर्षीय आशालाम चौधरीलाई प्रहरीले नियन्त्रणमा लिएको छ ।
प्रकाशित मिति: १९ पुष २०८०, बिहीबार
