१३ पुष २०८०, शुक्रबार
काठमाडौं। राष्ट्रिय स्वतन्त्र पार्टीले सहकारी र लघुवित्तका समस्या र समाधान पहिल्याउन अध्ययन कार्यदल बनाएको छ । उक्त पार्टी उपसभापति डा. स्वर्णिम वाग्लेको संयोजकत्वमा कार्यदल बनाइएको छ । वाग्ले रास्वपाका अर्थ नीति विभाग प्रमुख समेत हुन् ।
त्यस्तै, सहकारी र लघुवित्तका समस्या समाधानका लागि सरकारलाई प्रतिवेदन बुझाउने गरी कार्यदल बनाउने प्रस्ताव महोत्तरी बैठकमा सभापति रवि लामिछानेले गरेका थिए ।
वाग्लेको नेतृत्वमा कार्यदल गठन गरिएको सहमहामन्त्री रमेश प्रसाईँले सार्वजनिक गरेका हुन् भने चितवन-२ मा आयोजित सार्वजनिक सुनुवाइमा सह प्रवक्ता प्रसाईँले सहकारी र लघुवित्त पीडितका समस्या र समाधानका उपाय सुझाउने गरी कार्यदल गठन गरिएको जानकारी दिएका छन् ।
प्रकाशित मिति: १३ पुष २०८०, शुक्रबार
