१२ पुष २०८०, बिहीबार
काठमाडौं। प्रधानमन्त्री कप महिला ट्वान्टी-२० राष्ट्रिय क्रिकेट प्रतियोगिताअन्तर्गत आज भएको खेलमा सुदूरपश्चिम प्रदेशले कोसी प्रदेशलाई जीतका लागि एक सय १९ रनको लक्ष्य दिएको छ ।
त्यस्तै, कीर्तिपुरस्थित त्रिवि मैदानमा टस हारेर पहिले ब्याटिङ गरेको सुदूरपश्चिमले निर्धारित २० ओभरमा तीन विकेट गुमाउँदै एक सय १८ रनको योगफल बनायो ।
सुदूरपश्चिमका लागि बिन्दु रावलले सर्वाधिक ३३ रन बनाइन भने उनले ३९ बल खेल्दै पाँच चौका प्रहार गरिन् । त्यसैगरी सम्झना खड्काले २७ रन जोडिन भने कविता जोशीले २६ रन बनाइन । रेवती धामीले २० तथा रुबी पोडारले २ रन बनाइन ।
कोसी प्रदेशका लागि सबनम राई र अपसरी बेगमले समान एक-एक विकेट लिए भने अहिले कोशी प्रदेश जवाफी ब्याटिङमा उत्रेको छ ।
प्रकाशित मिति: १२ पुष २०८०, बिहीबार
