११ पुष २०८०, बुधबार
काठमाडौं। नेपाल लाइफ इन्स्योरेन्सको ५ लाख २३ हजार एक सय १२ कित्ता संस्थापक सेयर लिलामी बिक्रीमा आएको छ । प्रुडेन्सियल क्यापिटल म्यानेजमेन्ट कम्पनीको स्वामित्वमा रहेको सो संस्थापक सेयरमा बुधबारदेखि लिलामी बिक्रीका लागि आवेदन खुलेको हो ।
सो सेयर खरिदका लागि न्यूनतम १० हजार कित्ताका लागि माग गर्नुपर्नेछ भने अधिक मूल्य दिएका आधारमा कम्पनीको सेयर बाँडफाँट हुनेछ । त्यसैगरी, आवेदन दिने अन्तिम दिन पुस १९ गते तोकिएको छ ।
त्यस्तै, इच्छुक जो कोही व्यक्ति तथा संघ-संस्थाले सो लिलामी सेयर खरिदका लागि बोलपत्र आवेदन दिन सक्ने बिक्री प्रबन्धक एनआईसी एसिया क्यापिटलले जनाएको छ । कम्तीमा प्रतिकित्ता ३२५ रुपैयाँ तोकेर निवेदन दिन सकिने क्यापिटलले जनाएको छ ।
प्रकाशित मिति: ११ पुष २०८०, बुधबार
