८ पुष २०८०, आईतवार
काठमाडौं। ‘भ्वाइस अफ नेपाल’को सिजन ५ मा अन्तिम आठको समीकरण तयार भएको छ । पछिल्लो सप्ताहन्तका एपिसोडबाट प्रशान्त शिवाकोटी र अश्विन राई प्रतिस्पर्धाबाट बाहिरिएका छन् ।
पछिल्लो साताको भोटिङमा कम मत ल्याएपछि प्रशान्त र अश्विन बाहिरिएका हुन् भने अन्तिम आठमा छनोट भएकाहरुको भोटिङ खुला भएको जनाइएको छ । लाइभ राउण्ड निकै रोमाञ्चक देखिएको छ ।
त्यस्तै, अन्तिम आठमा कोच प्रमोद खरेलको समूहबाट तेन्जिङ डोल्मा गुरुङ र नोगेन लिम्बु, कोच मिलन नेवारको टीमबाट विनोद राई र ट्रिजा प्रधान, कोच राजेशपायल राईको टीमबाट मकरबहादुर योञ्जन र मोनिका राई, कोच उदय सोताङको टीमबाट कुमार प्रयास र विवेक बस्नेत पुगेका छन् ।
त्यस्तै, चार फाइनलिस्टले उपाधिका लागि प्रतिस्पर्धा गर्नेछन् भने भ्वाइस अफ नेपाल हिमालय टिभी एचडीबाट शुक्रबार र शनिबार बेलुका ८ बजे प्रसारण हुँदै आएको छ ।
प्रकाशित मिति: ८ पुष २०८०, आईतवार
