८ पुष २०८०, आईतवार
काठमाडौं। झापाको दमक नगरपालिका-३ बेलडाँगीस्थित भुटानी शरणार्थी शिविरमा गए राति आगलागी भएको छ ।
उक्त आगलागीमा तीन घर जलेर नष्ट भएका छन् । जिल्ला प्रहरी झापाका अनुसार बिजुलीको तार सर्ट भएर सेक्टर सी-४ छाप्रा नं- ५३५ बस्ने भीमबहादुर घिमिरेका तीन वटै घरमा आगलागी भएको हो । सो आगलागीबाट झन्डै नौ लाख मूल्य बराबरको क्षति भएको प्रहरीको प्रारम्भिक अनुमान रहेको छ ।
त्यसैगरी, दमक नगरपालिकाको दमकल, प्रहरी र स्थानीय बासिन्दाले आगो नियन्त्रणमा लिएका थिए।
प्रकाशित मिति: ८ पुष २०८०, आईतवार
