५ पुष २०८०, बिहीबार
काठमाडौं । उग्र भाषणका कारण आलोचित बनेका संस्कृति,पर्यटन तथा नागरिक उड्यन मन्त्री सुदन किराँतीले भातृत्व र सहिष्णुता कायम गर्न अपिल गरेका छन् । साामाजिक सन्जालमार्फत यस्ताे बताएका हुन् । राजधानीमा हिजो आयोजित क्रिश्चियन धर्मको एउटा कार्यक्रममा दिएको अभिव्यक्तिका कारण उनी विवादमा मुछिएका हुन् ।
सहभागीले ताली बजाउदै उनको भाषणलाई समर्थन गर्न थालेपछि हौसिदै मन्त्री किरातीले क्रिश्चियनबाहेक अन्य धर्म मान्नेको उछितो काढेका थिए । भाषणका क्रममा उनले क्रिश्चियन नमान्नेलाई संविधान विरोधि र देशद्रोहीको संज्ञा दिएका थिए । उनले भनेका छनः
बहशको लागि सबैलाई धन्यवाद !
संविधानलाई पालना गर्दै भातृत्व र सहिष्णुता कायम गरौं ! अतिवादलाई परास्त गर्दै राष्ट्रिय एकता कायम गरौं भन्ने मेरो जोड हो,
भन्नलाई त मलाई;
पशुपतिनाथ सफा गर्दा हिन्दु भने,
बौद्ध दर्शनको वकालत गर्दा बुद्धिष्ट भने,
मुस्लिमको कार्यक्रममा जाँदा मुस्लिम भने,
क्रिष्टियनको कार्यक्रममा जाँदा क्रिष्टियन भने,
फेरिपनि भन्छु अहिले म सबैको अभिभावक हुँ त्यसैले सबै अस्तित्वको समान गर्छु र सबैले गरौ । अन्तमा अर्काको अस्तित्वलाई स्वीकार गर्नु भनेको आफ्नो अस्तित्व सम्मानित हुनु हो ।
प्रकाशित मिति: ५ पुष २०८०, बिहीबार
