३ पुष २०८०, मंगलवार
काठमाडौं। सरुवामा परेका शिक्षकहरूले रौतामाई गाउँपालिकाबिरुद्ध दिएको रिट निवेदन उच्च अदालतले खारेज गरिदिएको छ । गाउँपालिकाको २०८० असार २५ गतेको कार्यपालिका बैठकको निर्णय अनुसार सरुवामा परेका शिक्षकहरूले दिएको निवेदन अदालतले खारेज गरेको हो ।
उक्त गाउँपालिकाको शिक्षा समितिको परामर्श अनुसार कार्यपालिका बैठकले निर्णय गर्दै विभिन्न विद्यालयका २७ शिक्षक शिक्षिकाको सरुवा भएको थियो । सरुवामा केही शिक्षकहरू आधारभूतबाट माध्यमिक विद्यालय र कतिलाई माध्यमिकबाट आधारभूतमा र प्रअबाट साधारण शिक्षक कायम हुन पुगेपछि असन्तुष्टि जनाउँदै अदालत गएका हुन् ।
त्यस्तै, सरुवा गर्दा आफूहरूको सहमति नलिएको, पायक ठाउँबाट अपायकमा लगेको तथा प्रधानाध्यापकबाट साधारण शिक्षक कायम गरेको भन्दै उनीहरूले न्यायका लागि उच्च अदालत गुहारेका थिए।
प्रकाशित मिति: ३ पुष २०८०, मंगलवार
