२८ मंसिर २०८०, बिहीबार
काठमाडौं। साना किसान विकास लघुवित्त वित्तीय संस्थाको लाभांश परिवर्तन भएको छ । २४ मंसिरमा बसेको साधारण सभाले चुक्ता पुँजीको १५ प्रतिशत बोनस सेयर र ५ प्रतिशत नगदसहित कुल २० प्रतिशत लाभांश घोषणा गरेको थियो । संशोधित लाभांशअनुसार अब लघुवित्तले चुक्ता पुँजीको १४.२५ प्रतिशत सेयर बोनस र कर प्रयोजनका लागि मात्रै ०.७५ प्रतिशत नगदसहित कुल १५ प्रतिशत लाभांश दिने भएको छ ।
नेपाल राष्ट्र बैंकसँग स्वीकृति लिने बेलामा सो प्रस्तावमाथि छलफल हुँदा लाभांश संशोधन गर्नुपर्ने देखिएकाले संशोधन गरिएको लघुवित्तले जनाएको छ । त्यस्तै, कुल ४९ करोड ९७ लाख रुपैयाँ बराबरको लाभांश वितरण हुने कम्पनीले जनाएको छ ।
प्रकाशित मिति: २८ मंसिर २०८०, बिहीबार
