१९ मंसिर २०८०, मंगलवार
काठमाडौं। नेकपा (एमाले) को विद्यार्थी सङ्गठन अनेरास्ववियुले आज एनसेल कार्यालय अगाडि विरोध प्रदर्शन गरेको छ । एनसेलको शेयर खरिदबिक्रीमा चलखेल भएको भन्दै अनेरास्ववियुले लैनचौरस्थित एनसेल कार्यालयमा प्रदर्शन गरेको हो ।
सो प्रदर्शनमा सहभागीहरूले एनसेल बाइकट भन्दै सीमकार्ड समेत जलाएका छन् । त्यस्तै माफिया पोस्ने गठबन्धन सरकार मुर्दावाद, विवादास्पद एनसेल शेयर विक्रीको छानबिन गर जस्ता नारा लेखिएका प्ले कार्ड उनीहरूले बोकेका छन् ।
त्यसैगरी, एनसेलको ८० प्रतिशत शेयर नेपाल बाहिरै बिक्री भएको थियो भने अहिले सो विषय चौतर्फी रूपमा विवादित बनेको छ ।
प्रकाशित मिति: १९ मंसिर २०८०, मंगलवार
