१४ कार्तिक २०८०, मंगलवार
काठमाडौं। जनता समाजवादी पार्टीले पार्टीको केन्द्रीय कार्यालयको भवन निर्माण गर्न केन्द्रीय कार्यकारिणी समिति सदस्य लालबाबु राउतको संयोजकत्वमा भवन निर्माण समिति गठन गरेको छ । केन्द्रीय कार्यकारिणी समितिको बैठकले यादवको नेतृत्वमा भवन निर्माण समिति गठन गरेको प्रचार विभाग प्रमुख पूर्ण बस्नेतले बताएका छन् । उनका अनुसार समितिमा अमरेशनारायण झा, बलराम महतो, न्हुच्छेलाल महर्जन, सिताराम साह र देवनारायण यादव रहेका छन् । यस्तै, यसअघि केन्द्रीय कार्यालय समितिको अध्यक्ष वाक्यांश प्रयोग गर्ने गरिएकोमा अब उप्रान्त केन्द्रीय कार्यालय सचिव प्रयोग गर्ने निर्णय समेत गरेको छ । उक्त बैठकबाट गंगाराम यादव, विमलप्रसाद साह, शैलेश चौधरीलाई केन्द्रीय सल्लाहकार समितिमा र वीरेन्द्र यादवलाई सामाजिक सेवा तथा गैर सरकारी संस्था विभागमा मनोनयन गरिएको छ ।
प्रकाशित मिति: १४ कार्तिक २०८०, मंगलवार
