दाङमा प्रहरी नियन्त्रणमा रहेका एक व्यक्ति फरार

दाङ । चोरी गरेको अभियोगमा दाङ प्रहरीको नियन्त्रणमा रहेका एक व्यक्ति आज फरार भएका छन् । फरार हुनेमा घोराहीका २८ वर्षीय विवेक नेपाली रहेको जिल्ला प्रहरी कार्यालय दाङका प्रमुख प्रहरी उपरीक्षक रामबहादुर केसीले जानकारी दिए । उक्त नेपालीलाई तीन दिनअघि प्रहरीले पक्राउ गरेको थियो । स्वास्थ्य उपचारका लागि राप्ती स्वास्थ्य विज्ञान प्रतिष्ठान घोराही लगेको बेला
शौचालय जान्छु भनी फरार भएको प्रहरी उपरीक्षक केसीले जानकारी दिएका छन् । अहिले उनको खोजी भइरहेको छ ।