१५ आश्विन २०८०, सोमबार
हान्झाउ । नेपाली महिला भलिबल टोलीले चीनको हान्झाउमा जारी १९औं एसियाडमा लगातार दोस्रो खेलमा हार बेहोरेको छ । सोमबार भएको समूह सी अन्तर्गतको आफ्नो दोस्रो खेलमा नेपाल दक्षिण कोरियासँग सोझो सेटमा पराजित भएको छ । नेपाल दक्षिण कोरियासँग २५-२१, २५-१४, २५-११ ले पराजित भएको हो । दुबै खेलमा पराजित भएपछि नेपाल समूह चरणबाट अघि बढ्न सकेन । यसअघि शनिबार भियतनामसँग भएको खेलमा नेपालले ३–० ले पराजित भएको थियो । नेपाली महिला भलिबल टोलीले अब नवौंदेखि १२औं स्थानको लागि खेल्नेछ । समूह सीबाट भियतनाम शीर्ष र दक्षिण कोरिया दोसो हुँदै क्वाटरफाईनल प्रवेश गरेका छन् ।
प्रकाशित मिति: १५ आश्विन २०८०, सोमबार
