कास्की, पोखरा महानगरपालिका-१७ दोबिल्लास्थित फुस्रे खोलामा डुबेर सोही महानगरपालिका-१३ मियाँपाटन बस्ने १७ वर्षीया सुप्रिया सामसुहाङ लिम्बुको शुक्रबार दिउँसो मृत्यु भएको छ ।
पौडी खेल्ने क्रममा डुबेर अशक्त भएकी उनको गण्डकी मेडिकल कलेजमा उपचारको क्रममा मृत्यु भएको हो ।
कैलाली, टिकापुर नगरपालिका-४ बाघमारा बस्ने ६५ वर्षीय सुकराढु थारूको सोही ठाउँस्थित रानीकुला सिचाईको नहरमा डुबेर शुक्रबार दिउँसो मृत्यु भएको छ ।
घरबाट माछा मार्न भन्दै गएका उनी घर नफर्किएपछि खोजी गर्ने क्रममा उक्त नहरमा शव फेला परेको हो । दुवै घटनाका सम्बन्धमा प्रहरीले आवश्यक अनुसन्धान गरिरहेको छ ।
