२ आश्विन २०८०, मंगलवार
२ ,असोज ,काठमाडौँ । नेपाली कांग्रेसका नेता प्रकाशमान सिंहले गठबन्धनले गरेको सहमतिलाई कार्यान्वयन गरेर मात्रै देशलाइ अस्थिरताबाट गोगाउन सकिने बताए ।
काठमाडौंको शोभा भगवतीमा गणेशमान सिंह को २६ औँ स्मृति दिवसको अवसरमा उनको शालिकमा माल्यापर्ण गर्दै नेता सिंहले सरकार गठन हुँदा भएको दलहरुबीचको
सहमतिलाई नै सबै दलले आत्मासात गरेर जाँदा उपयुक्त हुने बताए ।
कांग्रेस नेता सिंहले समाजमा रहेका असन्तुष्टि र कमजोरीलाई समेट्न सकिने माध्यम पनि समझदारी कार्यान्वयन भएको बताए । उनले पार्टी भित्र कांग्रेस नेतृत्वमा सरकार बन्नुपर्ने धारणा आएपनि व्यक्तिगत कुरामा भन्दा केन्द्रीय समितिले गरेको निर्णय आधिकारिक हुने बताए ।
उनले संविधानको भावना र मर्मअनुरुप चाँडो भन्दा चाँडो तीन तहका सरकारलाई अधिकार दिएर राम्रोसँग काम गर्नुपर्ने बताएका छन् ।
प्रकाशित मिति: २ आश्विन २०८०, मंगलवार
