२७ भाद्र २०८०, बुधबार
२७ भदाै, नवलपरासी । पूर्वी नवलपरासीको मध्यविन्दु नगरपालिकाको नन्दपुरमा घरपालुवा जनावर खादै आएको बाघ नियन्त्रणमा लिईएको छ ।
निकुञ्जको टोलीले मध्यविन्दु नगरपालिका २ नन्दपुरबाट गएराती समातेको हो । बाघ नियन्त्रणका लागि खटिएको निकुञ्जको प्राविधिक टोलीले डार्ट गरेर बाघ नियन्त्रणमा लिएको सूचना अधिकारी गणेश तिवारीले जानकारी दिए ।
चार दिनअघि नन्दपुरकै हेमकान्त चौधरीको गोठका दुईवटा गाईलाई सिकार गरेर मारेको हो । सोहि क्षेत्रमा ७ वटा बाख्रा र एउटा बंगुर समेत मारेको थियो ।
समातिएको बाघलाई कसरा लगिएको सूचना अधिकारी तिवारीले बताए । निकुञ्जको टोलीले मध्यविन्दुमै सोमबार सात महिनाको पोथी बाघ समेत नियन्त्रणमा लिएको थियो ।
प्रकाशित मिति: २७ भाद्र २०८०, बुधबार
