२४ भाद्र २०८०, आईतवार
२४ भदाै, काठमाडाैँ । ललिता निवास जग्गा प्रकरणमा पक्राउ परेका १७ जनालाई धरौटीमा छोड्न आदेश दिइएको छ । जिल्ला अदालत काठमाडाैँले उक्त प्रकरणमा पक्राउ परेका भाटभटेनी सुपर मार्केटका सञ्चालक मीनबहादुर गुरूङसहित १७ जनालाई धरौटीमा छोड्न आदेश दिएको हो ।
त्यस्तै, सोही प्रकरणमा पक्राउ परेका एक जनालाई तारेखमा रिहा गर्न आदेश दिइएको छ भने भाटभटेनी सुपर मार्केटका सञ्चालक गुरूङलाई भने २ करोड ४६ लाख रुपैयाँ धरौटी माग गरिएको छ ।
उनीहरूविरूद्धको मुद्दामा गत भदाै १७ गतेदेखि थुनछेक बहस सुरू भएको थियो । थुनछेक बहस सकिएसँगै आइतबार नै अदालतले उनीहरूमाथि उक्त आदेश सुनाएको हो ।
ललिता निवास प्रकरणमा ५७ दिन लामो अनुसन्धानपछि तयार पारिएको प्रतिवेदन सीआईबीले भदौ ५ गते सरकारी वकिलको कार्यालयलाई बुझाएको थियो ।
प्रकाशित मिति: २४ भाद्र २०८०, आईतवार
