१९ भाद्र २०८०, मंगलवार
१९ भदाै, काठमाडाैँ । नेपाली कांग्रेस बागमती प्रदेशका संसदीय दलका प्रमुख सचेतक कुन्दनराज काफ्लेले पदबाट राजीनामा दिएका छन् । काफ्लेले संसदीय दलका नेता बहादुरसिंह लामा समक्ष राजीनामा पेश गरेका हुन् ।
लामा निकट मानिएका काफ्लेले सामाजिक सञ्जालमा दलका नेता समक्ष राजीनामा दिएको तस्बिर राख्दै प्रमुख सचेतकको भूमिकाले पार्टी सङ्गठनको काममा समय दिन नसकेको जसको कारण दोलखेली जनसेवामा समय अभाव महसुस भएको उल्लेख गरेका छन् ।
उनले कांग्रेस केन्द्रीय सदस्यको रूपमा रहेको र दोलखाको जनताको सेवामा थप समर्पित हुनको लागि प्रमुख सचेतकबाट राजीनामा दिएको सामाजिक सञ्जालमा उल्लेख गरेका छन् ।
प्रकाशित मिति: १९ भाद्र २०८०, मंगलवार
