१७ भाद्र २०८०, आईतवार
१७ भदाै, काठमाडाैँ । काठमाडाैँ महानगरपालिकाका मेयर बालेन्द्र साहले पत्नी चढेको सरकारी गाडी रोकेर ट्राफिकले सोधपुछ गरेपछि सिंहदरबार जलाउने धम्की दिएको पाइएको छ ।
शनिबार महानगरको गाडीमा पत्नी चढेको गाडीमा ट्राफिक प्रहरीले सवारी चालक अनुमति पत्र भए नभएको सोधेपछि उनले सोही रिस साँझ सामाजिक सञ्जालमा उतारेको पाइएको हो ।
उनले फेसबुकमा लेखेका थिए, ‘आजको लागी केहि भएन, भोलिबाट हाम्रो महानगरपालिकाको कुनै पनि गाडी सरकारबाट रोकियो भने, सिंहदरवारमा आगो लगाइदिन्छु। याद राख चोर सरकार।’
यो स्टाटससँगै उनको शैलीप्रति कतिपयले प्रश्न समेत उठाएका छन् । मेयर जस्तो पदमा बसेर उनले पदीय मर्यादाको कुनै ख्याल नराखेको पनि कतिपयले टिप्पणी गरेका छन् ।
प्रकाशित मिति: १७ भाद्र २०८०, आईतवार
