११ भाद्र २०८०, सोमबार
११ भदाै, काठमाडाैँ । नेपाली क्रिकेट टोलीका लेग स्पिन बलर सन्दीप लामिछाने पाकिस्तान प्रस्थान गरेका छन् । एसिया कप खेल्नका लागि सन्दीप सोमबार त्यसतर्फ लागेका हुन् ।
उनी कतारको दोहा हुँदै लामिछाने पाकिस्तान पुग्ने बताइएको छ ।
नेपाली टोलीका अन्य सदस्यहरू भने गत साता नै पाकिस्तान पुगिसकेका छन् । सन्दीप भने जबरजस्ती करणीको मुद्दाको सुनुवाइ नभएका कारण जान पाएका थिएनन् ।
आइतबारका लागि तोकिएको उनको मुद्दाको सुनुवाइ हेर्न नमिल्नेमा राखिएपछि उनी सोमबार पाकिस्तान उडेका हुन् । अब लामिछानेको अर्को पेसी भदौ २१ गते तोकिएको छ । उनी नेपाल र भारतको खेल खेलेर भदौ २० गते नेपाल फर्किनेछन् ।
प्रकाशित मिति: ११ भाद्र २०८०, सोमबार
