९ भाद्र २०८०, शनिबार
९ भदाै, काठमाडाैँ । नेपाल विद्यार्थी संघले बालुवाटार घेराउ गर्ने भएको छ । इन्जिनियरिङ अध्ययन संस्थानले स्नातक तहमा गरको शुल्क वृद्धिको विरोधमा नेविसंघले आइबार ‘वालुवाटार घेराउ कार्यक्रम’ गर्ने भएको हो ।
एक विज्ञप्ती जारी गर्दै नेविसंघले भनेको छ, ‘ सर्वसुलभ उच्च शिक्षा सम्पूर्ण नागरिकको नैसर्गिक अधिकार हो भने सर्वसुलभ एवम् गुणस्तरीय शिक्षा राज्यको दायित्व पनि हो । इन्जिनियरिङ शिक्षा महँगो हुँदा गरिबी तथा जेहेन्दार विद्यार्थीहरू वञ्चित हुने हुँदा शुल्क वृद्धिको निर्णय निन्दनीय छ । साथै, ५ दिनदेखि आमरण अनसन बसेका विद्यार्थी नेता सुलभ चापागाइँको जीवन रक्षाका निम्ति सम्पूर्ण सरोकारवाला निकायसँग हार्दिक अपिल गर्दछाैँ ।’
नेविसंघले शिक्षालाई अन्तर्राष्ट्रियस्तरमा परिणत गर्नुपर्ने आवश्यकतालाई मध्यनजर गर्दै विभिन्न मागहरू समेत राखेको छ ।
प्रकाशित मिति: ९ भाद्र २०८०, शनिबार
