७ भाद्र २०८०, बिहीबार
७ भदाै, काठमाडाैँ । राष्ट्रपति रामचन्द्र पौडेलले साँस्कृतिक पर्वहरूले राष्ट्रिय एकता सुदृढ पार्न सहयोग पुर्याँउने बताएका छन् । राष्ट्रपति पौडेलले गौरा पर्वको शुभकामना सन्देश जारी गर्दै यस्तो बताएका हुन् ।
हरेक वर्ष भाद्र शुक्ल पञ्चमीदेखि अष्टमीका दिनसम्म नेपालको सुदूरपश्चिम क्षेत्रमा विशेष रुपमा मनाइने यस पर्वले भौगोलिक, धार्मिक, सांस्कृतिक आस्था र आपसी सद्भावलाई प्रगाढ बनाउन महत्त्वपूर्ण भूमिका निभाएको छ ।
शक्ति र प्रकृतिको रुपमा शिव र पार्वतीको पूजा गरी पाँच प्रकारका अन्नबाट बनेको “बिरुँडा” लाई अर्पण गरेपछि प्रसादको रुपमा ग्रहण गरेर यो पर्व मनाउने प्रचलन रहेको छ । यस पर्वमा शिव र पार्वतीको आराधना सहित व्रत बस्ने गरिन्छ, जसको फलस्वरूप शिव र पार्वती तथा ईष्ट र कुल देवता प्रशन्न भई सुख शान्ति प्राप्त हुने जनविश्वास रहेको छ ।
प्रकाशित मिति: ७ भाद्र २०८०, बिहीबार
