१ भाद्र २०८०, शुक्रबार
१ भदाै, विराटनगर लाल बहादुर विक नियमित काममा फर्किएका छन् । ठगीको अभियोगमा बिना कसुर ७ महिना जेलमा बिताएका विक बिहीबारदेखि नियमित काममा फर्किएका हुन् ।
उनी कालकीगढको काम गर्छन् । सुनसरी जिल्ला अदालतबाट ठगि मुद्धामा १८ महिना जेल र ३ करोड १४ लाख ३३ हजार बिगो तिर्नुपर्ने फैसला पछि उनि जेल परेका थिए ।
तर, उच्च अदालत विराटनगरबाट निर्दोष सावित भएसँगै उनी श्रावण २७ गते रिहा भएका थिए ।
२०७५ असार २० मा बचतकर्ता सुकमित गुरुङसहित नौ जनाले २०७२ सालदेखि सञ्चालनमा आएको सिंहदेवी ज्वेलर्सविरुद्ध ५२ लाख ६६ हजार रुपैयाँ ठगी गरेको भन्दै उजुरी हालेका थिए । अदालतमा २ सय ७५ जनाबाट १० हजारदेखि १० लाख रुपैयाँसम्म रकम लिएर ठगी गरेको मुद्दा सिंहदेवी ज्वेलर्सविरुद्ध परेको थियो ।
तर ज्वेलरीका सञ्चालकले विकलाई हस्ताक्षर गर्न लगाइ रकम संकलन गराएका थिए । सोही कारण उनी विरूद्ध बिना इजाजत बैंक तथा वित्तीय कारोबार गरेको मुद्दा चलेको थियो ।
प्रकाशित मिति: १ भाद्र २०८०, शुक्रबार
