३२ श्रावण २०८०, बिहीबार
३२ ,श्रावण ,काठमाडौँ । ठूला भ्रष्टाचारका घटनामा संलग्न दोषीलाई कारबाही गर्न स्रष्टाहरूले आग्रह गरेका छन् ।
मानवअधिकार तथा शान्ति समाजले आज भ्रष्टाचारविरुद्ध काठमाडौँमा आयोजना गरेको शान्ति काव्य प्रवाहको ९२औँ शृङ्खलामा स्रष्टाहरूले भ्रष्टाचार र दण्डहीनताविरुद्ध आफ्नो रचना प्रस्तुत गरेका थिए ।
भ्रष्टाचारका केही मामलामा कारबाहीको प्रक्रिया सुरु भए पनि मूल दोषीलाई उन्मुक्ति दिइएकोप्रति स्रष्टाहरूले साहित्यिक रचनामार्फत दुःख व्यक्त गरेका छन् ।
शान्ति समाजका सभापति रामकृष्ण बरालको सभापतित्वमा सम्पन्न शान्ति काव्य प्रवाहमा ज्ञानुवाकर पौडेल, रामबहादुर पहाडी, भाग्यशाली अधिकारी, मेनका पोखरेल, रत्ननिधि रेग्मी, त्रिभुवनचन्द्र वाग्ले, रुद्र अधिकारी, जीवन अधिकारी, शान्ति रिसाल, शारदा पराजुली, विजयध्वज थापा, दुर्गाकिरण तिवारी, भुवन शिवाकोटी, कुसुम शर्मा, त्रिपुरा पौडेल, सरला तिमल्सिना, विमला दाहाल, ओमप्रसाद कोइराला, अच्युतप्रसाद पौडेल, रवीन्द्र आशिष शैली, डिल्लीप्रसाद मूलतिहुन, जनार्दन अधिकारी, गगनदीप सर्व, ताराप्रसाद चापागाईँ, उर्मिला पन्त पाण्डेय, रश्मी रिमाल, निर्मलरमण पराजुलीलगायत २७ जना स्रष्टाले भ्रष्टाचारविरुद्ध सुशासनका पक्षमा रचना प्रस्तुत गरेका थिए ।
प्रकाशित मिति: ३२ श्रावण २०८०, बिहीबार
