२९ श्रावण २०८०, सोमबार
२९ श्रावण, काठमाडाैँ । नक्कली शैक्षिक प्रमाणपत्र लिएर काम गरेको अभियोगमा पक्राउ परेका एक डाक्टर रिहा भएका छन् ।
सो अभियोगमा श्रावण २५ गते पक्राउ परेका परा गाउँपालिका–८, महोत्तरीका डा. रञ्जितकुमार यादव प्रमाणपत्र सक्कली भएको पुष्टि भएसँगै रिहा भएका हुन् ।
नेपाल मेडिकल काउन्सिलले पठाएको प्रमाण पत्रका आधारमा उनलाई पक्राउ गरिएको थियो । तर, नाम र थर मिल्न जाँदा गलत व्यक्ति पक्राउ परेको पुष्टि भएसँगै यादव रिहा भएका हुन् ।
नक्कली शैक्षिक प्रमाणपत्र लिएर काम गरेको अभियोगमा अहिलेसम्म ८ जना पक्राउ परेका छन् । त्यसमध्ये नेपाली कांग्रेसका सांसद सुनील शर्मा सहित केही रिहा भइसकेका छन् ।
प्रकाशित मिति: २९ श्रावण २०८०, सोमबार
