२८ श्रावण २०८०, आईतवार
२८ श्रावण, सुर्खेत । सुर्खेत– कोहलपुर, नेपालगन्ज जोड्ने रत्न राजमार्ग अवरुद्ध भएको छ । रूख ढल्दा उक्त सडकखण्ड बन्द भएको हो ।
प्रहरीले दिएको जानकारी अनुसार अविरल वर्षाका कारण रूख ढलेको हो ।
सडक अवरुद्ध भएसँगै सवारी साधनहरु रोकिएपछि कर्णालीका मुख्यमन्त्री पनि फसेका छन् । कर्णालीका मुख्यमन्त्री राजकुमार शर्मा सोही सडकखण्डमा रोकिएको प्रहरीले जानकारी दिएको छ ।
अहिले प्रहरीको टोली बाटो खुलाउन लागेको बताइएको छ ।
प्रकाशित मिति: २८ श्रावण २०८०, आईतवार
