२८ श्रावण २०८०, आईतवार
२८ श्रावण, काठमाडाैँ । नेपाल विद्यार्थी संघकाे काठमाडाैंकाे अध्यक्षमा अंशुल केसी नियुक्त भएका छन् । संघका केन्द्रीय अध्यक्ष दुजाङ शेर्पाले केसीलाई अध्यक्ष नियुक्त गरेका हुन् । केसी कांग्रेस नेता प्रकाशमान सिंह निकट हुन् ।
यसअघि मनिष डँगाेल अध्यक्ष रहेकाेमा उनलाई केन्द्रीय सदस्य मनाेनित गरेपछि केसीलाई काठमाडौं अध्यक्ष बनाइएकाे छ । केसी प्रतिनिधि सभा निर्वाचनमा नेविसंघकातर्फबाट काठमाडौं क्षेत्र नं १ निर्वाचन परिचालन समितिका संयाेजक थिए । संगठनभित्र पकड रहेका केसीले काठमाडौंमा नेविसंघलाई सशक्त बनाएर लैजाने बताए ।
‘काठमाडौं जिल्लालाई नेविसंघको किल्लाकाे रूपमा विकास गरेर लैजाने छु’, नवनियुक्त अध्यक्ष केसीले भने, काठमाडौंमा नेविसंघको संगठनलाई थप सुदृढ र सशक्त बनाएर अघि बढाउनेछु ।’ नेविसंघका जिल्ला समितिहरूमा काठमाडौं जिल्ला समितिलाई सबैभन्दा बलियाे मानिन्छ । नेपाल कमर्श क्याम्पस मिनभवनका नेविसंघ नेता केसी काठमाडौं जिल्लामा विद्यार्थी राजनीतिमा लाेकप्रिय मानिन्छ ।
प्रकाशित मिति: २८ श्रावण २०८०, आईतवार
