२४ श्रावण २०८०, बुधबार
२४ श्रावण, सङ्खुवासभा । जिल्ला कारागार सङ्खुवासभा दुई जना कैदीबन्दीको मृत्यु भएको छ । मृत्यु हुनेमा मादी नगरपालिका–५ का १९ वर्षीय विनोद तोलाङ्गी र नुवाकोट ककनी गाउँपालिका–७ का २८ वर्षी आकाश वलामीको रहेको जिल्ला प्रहरी कार्यालय सङ्खुवासभाका डिएसपी विरेन्द्र गोदारले जानकारी दिए ।
मङ्गलबार राति १ बजे कारागारको ट्वाइलेटबाट भाग्ने क्रममा रहेका उनिहरुलाई कारागार प्रहरीले पक्राउ गरी कारागार प्रशासनलाई बुझाएको डिएसपी गोदारले बताए ।
उनीहरु बुधबार बिहान ४ बजे कारागार भित्रै अचेत अवस्थामा फेला परेपछि उपचारका लागि जिल्ला अस्पताल लगिएको थियो ।
जेलर घिमिरेका अनुसार जिल्ला अस्पतालमा उपचारका क्रममा दुवै जनाको बिहान ६ बजे मृत्यु भएको हो । उनीहरुको शव अहिले जिल्ला अस्पतालको शवगृहमा राखिएको छ ।
प्रकाशित मिति: २४ श्रावण २०८०, बुधबार
