२३ श्रावण २०८०, मंगलवार
२३ श्रावण, दार्चुला । दार्चुलाको आकाशमा भारतीय हेलिकप्टरले चक्कर लगाइरहेको पाइएको छ। पछिल्ला केही दिनयता भारतीय हेलिकप्टर नेपाली आकाशमा उडिरहेको छ ।
खलंगामा रहेको नेपाली सेनाको गुरु गोरख गुल्म, जिल्ला प्रशासन कार्यालय, जिल्ला प्रहरी कार्यालय, सशस्त्र प्रहरीको ४४ नम्बर गण हेडक्वाटरलगायतका सुरक्षा निकाय तथा संवेदनशील क्षेत्रमाथि हेलिकप्टर उडेको बताइएको छ ।
नेपाली आकाशमा भारतीय हेलिकप्टर निर्वाध घुमेको यो नै पहिलो पटक भने हैन । यसभन्दा अघि पनि सोही क्षेत्रमा भारतीय हेलिकप्टर घुम्ने गरेको थियो ।
लगातार भारतीय हेलिकप्टर देखिन थालेपछि दार्चुलाकी सीडीओ किरण जोशीले भारत पत्र पठाएर ध्यानाकर्षण गरिएको जानकारी दिएकी छन् ।
प्रकाशित मिति: २३ श्रावण २०८०, मंगलवार
