१९ श्रावण २०८०, शुक्रबार
१९ श्रावण, काठमाडाैँ । रवि लामिछाने नेतृत्वको राष्ट्रिय स्वतन्त्र पार्टीमा केन्द्रीय विभागका पदाधिकारी, सदस्य र प्रदेश समिति प्रमुखका लागि शैक्षिक योग्यता तोकिएको छ ।
यस पार्टीमा तोकिएको पदका लागि स्नातकोत्तर (मार्टर्स) गरेको हुनुपर्ने गरी शैक्षिक योग्यता निर्धारण गरिएको हो ।
बिहीबार बसेको रास्वपाको केन्द्रीय समिति बैठकले तोकिएका पदका लागि स्नातकोत्तर उत्तीर्ण हुनुपर्ने वा सम्बन्धित विभागअनुसारको क्षेत्रमा कम्तीमा १० वर्ष हुनुपर्ने प्रावधान तय गरेको हो ।
त्यस्तै, प्रदेश समितिका पदाधिकारी र सदस्यका लागि स्नातक उत्तीर्ण वा सम्बन्धित विभागमा ५ वर्षको अनुभव हुनुपर्ने मापदण्ड बनाइएको छ । त्यसैगरी, स्थानीय तहका विभाग प्रमुखका लागि कम्तीमा कक्षा १२ उत्तीर्ण वा विभागअनुसारको क्षेत्रमा दुईवर्षे अनुभव हुनुपर्ने बताइएको छ ।
प्रकाशित मिति: १९ श्रावण २०८०, शुक्रबार
