१६ श्रावण २०८०, मंगलवार
१६ श्रावण, विराटनगर । कोशी प्रदेशका सभामुख बाबुराम गौतमले राजीनामा दिने भएका छन् ।
सरकार दाबी गर्ने अन्तिम दिन गठबन्धनको सरकार बनाउनका लागि गौतमले राजिनामा दिएर समर्थन गर्ने बताइएको छ । यसभन्दा अघि सभामुख कै हैसियतमा गाैतमले हस्ताक्षर गरेपछि सर्वोच्च अदालतले उद्धव थापाको मुख्यमन्त्री नियुक्ति खारेज गरिदिएको थियो ।
नेकपा माओवादी कोशी संसदीय दलका नेता ईन्द्र आङ्बोले सभामुखले राजिनामा दिने र मुख्यमन्त्रीको दाबी गर्ने बताएका छन् ।
उनले हिजोसम्म सभामुखबाट राजिनामा नदिने अडान राखेका थिए । प्रधानमन्त्री समेत रहेका पार्टी अध्यक्ष पुष्पकमल दाहाल प्रचण्डले निर्देशन दिएपछि उनी राजिनामा दिन तयार भएको बताइएको छ ।
प्रकाशित मिति: १६ श्रावण २०८०, मंगलवार
