१४ श्रावण २०८०, आईतवार
१४ श्रावण, महोत्तरी । महोत्तरीको सोनमा गाउँपालिका– ५ खैरबन्नीमा मामाघर आएका दुई बालिकाको पोखरीमा डुबेर मृत्यु भएको छ ।
यसरी डुबेर मृत्यु हुनेमा सर्लाहीको गोडैता नगरपालिका ९ बस्ने महेश मलिक डोमको ५ वर्षकी छोरी चञ्चला कुमारी मलिक डोम र भारतको सीतामढी बथनाहा बस्ने राम भजन मलिकको छोरी वर्ष ४ की अर्चनाकुमारी मलिक रहेको प्रहरीले जनाएको छ ।
शनिवार खैरबन्नीस्थित मामाघर विजय मलिकको घर आएकी दुवै जना नुहाउने क्रममा एक्कासि डुबेको र केही छिनपछि उनीहरूको शव पानीमा तैरिरहेको अवस्थामा बरामद भएको इलाका प्रहरी कार्यालय गौशालाका प्रहरी निरीक्षक मनोज यादवले जानकारी दिए । उनले आफूहरूलाई खबर हुँदा शव पानीबाट निकालेर बाहिर राखिसकिएको जानकारी दिँदै उनले शवलाई पोस्टमार्टमको लागि प्रादेशिक अस्पताल जलेश्वर महोत्तरी पठाइएको छ ।
उनीहरू खैरबन्नीमा मलमासमा लाग्ने गेरुका मेला हेर्न मामा घर आएका थिए । गाउँकै राम विनय यादवको पोखरीमा नुहाउने क्रममा घटना घटेको जनाइएको छ । गाउँकै राम विनय यादवको पोखरीमा नुहाउने क्रममा घटना घटेको जनाइएको छ ।
प्रकाशित मिति: १४ श्रावण २०८०, आईतवार
